dac de contat
Lia di Comuns Ladins
Str. Col Alt 36
39033 Corvara (BZ)
Rapresentant legal
Dr. Albert Palfrader
92028960216
 

Benvignus

La Lia di Comuns Ladins ve dá l benvignus nte l proiet Ladiniamap©.

Nos volonse che chëste plate Internet devente n luoch de agregazion per duc chi che a nteresc a cugnëse, stravardé e valorisé la cultura e el lingaz de la mendranza ladina. Per chëst on cialè de laorè dassën e con pascion per realisé chëst proiet.

Ve nvion perchël a mparé a cugnëse nosta tiera e a ji ite e fora per noste valade con chësta cherta virtuala  e ve nvion a cugnëse i plu mportanc luosc de nosta cultura ladina che on cherì fora con l aiut de le istituzions culturai de noste valade. Per ve mené nte chëst teriol cultural on realisé per Vos na cherta a 3 dimenscions de nosta tiera ladina. L se trata de n strument modern e plajëol che pò soscedé fora vosta curiositè de ji a cialè i pic plu scondus de nosta Ladinia. Chël che vedei chilò e na cherta realisada con le meio tecnologie che l e a disposizion sul marcè e che ve darà la mprescion de podei piè ite i luosc che jiarè a vedei.

L obietif de chëst proiet e chël de mëte auna le forze che on nte la Ladinia per renforzè, coche l e nte i obietif statutari de la Lia di Comuns Ladins, el liam cultural danter noste valade ladine ntour al Sela. Ma l proiet no e dediché demé a chi che vif nte chëste valade, ma ence a duc chi che vol mparé a cugnëse nuove culture e vegle tradizions e che a la curiosité de pié via a fé chest viade virtual sun la Ladiniamp©.
La Lia di Comuns Ladins e l team de la Ladiniamap© augùra n bon viade, a duch chi che con la cherta a 3 dimenscions jgolará soura noste valade fora.